Find out more places? Get a Quote

कागबेनी

कागबेनी हिन्दु र बौद्धमार्गीको साझा तीर्थ हो जहाँ प्राचीन गुम्बा र मन्दिर छन् । हिन्दुहरु त्यहाँ श्राद्ध गरेर पितृ तर्पण गर्छन् । बिशेषतः बडा दसैंको सोह् श्राद्धका बेला भिड लाग्छ । त्यसो त कागबेनीमा श्राद्ध गर्न कुनै तिथि कुर्नु पर्दैन, जहिले गरेपनि हुन्छ । त्यहाँको बजारमा खाना र बासका लागि आरामदायी होटल छन् । ठिनीबाट करिब १३ किमि दूरीमा छ कागबेनी । यहीँबाट मुक्तिनाथ र लो–मन्थाङ जाने बाटो छुट्टिन्छ ।

Find out more

कुछप तेरेङ्गा गुम्बा

हिमाली भेकमा बोन धर्मको अभ्यास भएका बेला सातौं शताब्दीको अन्त्यदेखि आठौं शताब्दीसम्म गुरु रिम्पोचे (पद्यसंभव)ले बौद्ध धर्म प्रचारमा ठूलो योगदान गरेका थिए । तिनै गुरुका पाँच प्रतिनिधि रत्न भएको गुम्बा ठिनी गाउँ नजिकै छ–कुछप तेरेङगा गुम्बा जहाँ पद्यसंभवका दोचा, कपडा, कपाल आदि सामाग्री सुरक्षित छन् । गुम्बाभित्र पद्यसंभवसहित अरु बोधिसत्व र गुरुका मूर्ति छन् । गुम्बाका संस्थापक लामा उर्गेन पाल्शाङ हुन् ।

Find out more

लो–मन्थाङ

चिसो मरुभूमी लो–मन्थाङ पर्खालले घेरिएको एउटा शहर । विश्व सम्पदा सूचीमा प्रस्तावित लो–मन्थाङ भोटे संस्कृति, बौद्ध दर्शन र हिमाली जीवन अध्ययन केन्द्र बनेको छ । उपल्लो मुस्ताङमा
साबिकका छोसेर, छोन्हुप, लो–मन्थाङ, सुर्खाङ, चराङ, घमी र छुक्साङ् गाविस पर्छन् ।
लो–मन्थाङ (३८५० मिटर) स्यानो उपत्यका हो । पर्खालभित्र दुई सय घर र ठूल्ठूला दुई गुम्बा छन् । शत्रुबाट बच्न पर्खाल लगाइएको इतिहास छ । वर्गाकार पर्खालको उचाइ ८ मिटर छ । यो उत्तर दक्षिण २ सय ८० मिटर र पूर्वपश्चिम १ सय ६० मिटर फैलिएको छ । शत्रु हेर्न ५०–५० मिटर फरकमा १२ मिटर अग्ला बुर्जा छन् ।
लो–मन्थाङका पहिलो राजा आमे पाल हुन् । उनी पश्चिमी तिब्बतको माङ्ग्युल गुन्थाङ राज्यका
सेनापति थिए । सन् १४४० तिर उनले आफूलाई लो–मन्थाङको राजा घोषणा गरे । सन् १४४७ मा उनका छोरा आङ्गोन साङ्पो राजा बने ।
आमे पाल राजा भएपछि तिब्बतबाट साक्यपा सम्प्रदायका गुरु ङोर्छेन कुङ्गा साङ्पो झिकाएर उनलाई राजगुरु बनाइयो । तिनै साङ्पोले चराङ गुम्बा बनाए । त्यही बेलादेखि चराङमा राजाका माइला छोरा प्रमुख लामा हुने चलन छ ।
तिनताक लो–मन्थाङ राज्य पूर्वमा नुब्री उपत्यका, पश्चिममा डोल्पा र दक्षिणमा पर्वतसम्म फैलिएको थियो । राजा रणबहादुर शाहको पालामा लो–मन्थाङ नेपाल राज्यअन्तर्गत आयो । त्यति बेला १४ औँ राजा वाङ्ग्याल दोर्जे थिए । नेपालमा गाभिए पनि उनको पदवी खोसिएन, रजौटा भएर बसे । राजा महेन्द्रको राजा रजौटा उन्मूलन ऐनले बझाङ, मुस्ताङ, सल्यान र जाजरकोटका राजाको पदवी खोस्यो । उनीहरूलाई मानार्थ कर्नेल पदवी दिइयो । पछि सर्वसाधारणले राजाकै उपमा दिए ।
लो–मन्थाङका अन्तिम राजा जिग्मे पालबर बिष्ट हुन् । उनको निधन भैसक्यो ।
भोटका बस्तीहरुमा कलात्मक छोर्तेन र गुम्बा छन् । लो–मन्थाङ क्षेत्रमा अनौठा गुफा छन् । छोसेरको निफुग गुम्बा, १ सय ८ कोठे पाँचतले विचित्रको झोङ गुफा हेर्न लायक छ ।
जोमसोमदेखि लो–मन्थाङ ८६ किलोमिटरसम्म जीपमा एकै दिनमा पुग्न सकिन्छ । त्यहाँ होटलमा बस्ने र घोडा चढ्ने सुविधा छ । लो–मन्थाङ नजिकै छ कोरला नाका ।

Find out more

Nifug Ghumba

Vero iudico intellegat no quo, pri ut nullam omittantur. Ut paulo scribentur mel, in eam oportere. Efficiantur ad qui natum patrioque. Vim labore graeco tibique consulatu sententiae.

Find out more

Gharopjong Killa

Vero iudico intellegat no quo, pri ut nullam omittantur. Ut paulo scribentur mel, in eam oportere. Efficiantur ad qui natum patrioque. Vim labore graeco tibique consulatu sententiae.

Find out more

Muktinath

Vero iudico intellegat no quo, pri ut nullam omittantur. Ut paulo scribentur mel, in eam oportere. Efficiantur ad qui natum patrioque. Vim labore graeco tibique consulatu sententiae.

Find out more